मंत्री छगन भुजबळ यांच्या सुचनेनुसार प्रदेश पदाधिकारी दिलीप खैरे यांच्याकडून कामाची पाहणी
विंचूर.....
राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांच्या सुचनेनुसार लासलगाव विंचूरसह सोळागाव पाणी पुरवठा योजनेच्या दुरुस्तीचे काम युद्धपातळीवर सुरु आहे. या योजनेत नव्याने टाकण्यात येत असलेल्या साडेसह किलोमीटर पाईप लाईन पैकी अडीच किलोमीटर पाईपलाईनची चाचणी यशस्वी झाली आहे.
लासलगाव विंचूरसह सोळागाव पाणी पुरवठा योजनेच्या दुरुस्तीचे काम युद्धपातळीवर सुरु असून साडेसहा किलोमीटर पाईप लाईनचे काम सुरु आहे. त्यापैकी आज अडीच किलोमीटर पाईपलाईनची चाचणी यशस्वी झाली आहे. आज कादवा नाल्यात या पाईपलाईनची चाचणी करण्यात आली आहे. दि.१० ऑगस्ट पर्यंत या योजनेतील पाईप लाईनचे काम पूर्ण होणार असून त्यांतर पूर्ण नूतन पाईप लाईनची चाचणी होऊन पाणी पुरवठा सुरळीत होणार आहे.
