अशोका मेडिकव्हर हॉस्पिटल येथे हिरकणी कक्षाला सुरुवात

नाशिक : जागतिक महिलादिनाचे औचित साधत अशोका मेडिकव्हर हॉस्पिटल येथे स्तनदा मातांना आपल्या बाळाला स्तनपान करता यावे, यासाठी हिरकणी कक्षाला सुरवात करण्यात आली. हॉस्पिटल मध्ये रुग्णाला भेटण्यासाठी नातेवाईक येत असतात. त्याच्या सोबत लहान बाळ हि असतात. अशा वेळी आई आणि बाळाची गैरसोय होत असते, हि बाब लक्षात घेऊन मेडिकव्हर प्रशासनाने निर्णय घेऊन हिरकणी कक्षाला सुरवात केली आहे. हिरकणी कक्षाचे लोकार्पण करताना मेडिकल डायरेक्टर तथा नवजात शिशु व बालरोग तज्ञ डॉ सुशील पारख म्हणाले कि, हॉस्पिटलमध्ये रुग्ण व रुग्णाचे नातेवाईक भेटीसाठी किंवा ओपीडी साठी येत असतात. अशावेळी स्तनदा मातांची गैरसोय होऊ नये म्हणून, ह्या उपक्रमला आम्ही सुरवात करत आहोत. हा वातानुकूलित अद्ययावत कक्ष तळमजल्यावर असल्याने या हिरकणी कक्षाचा फायदा केवळ हॉस्पिटल मध्ये येणाऱ्या मातांना होणार नसून हॉस्पिटल परिसरात असणाऱ्या इतर संस्थेला सुद्धा याचा लाभ घेता येणार आहे. विशेष सांगावयाचे झाल्यास खाजगी क्षेत्रात प्रथमच हिरकणी कक्ष सुरु करून आम्ही नवीन अध्यायाला सुरवात केली आहे. या प्रसंगी मेडिकव्हर ग्रुपचे स्टेट हेड सचिन बोरसे, मेडिकल डायरेक्टर डॉ सुशील पारख , युनिट हेड समीर तुळजापूरकर , मार्केटिंग हेड पियुष नांदेडकर , आदींची उपस्थिती होती.